Jølster Rafting

• Startside
• Aktivitetar
• Fotoalbum
• Booking
• Kart
• Om oss

Aktivitetar

Gradering av elv

Gradering av ei elv er ein måte å fastslå kor vanskelege stryk du kjem borti når du padlar nedover elva. Vi bruker då ein skala frå 1 - 6 som viser vanskegraden. Vi graderer kvart stryk i elva for seg sjølv, men graden kan også variere litt frå dag til dag på grunn av endringar i vassføring.

Slik er skalaen:

1. Lett
   Regelmessig straum og små bølgjer. Enkle hindringar og oversiktleg løypeval.
   
   
2. Nybegynnar
   Enkle stryk med løyper som er enkle å sjå. Få hindringar, og dei som er finst er det lett å unngå. Liten sjanse for å dette ut av båten, og rimeleg lett å symje om du skulle gje re det.
   
   
3. Middels vanskeleg
   Høge, uregelmessige og brytande bølgjer. Sterk straum og enkelte valsar og virvlar. Kan krevje god kontroll over båten i enkelte passasjar, men det er ikkje så vanskeleg å unngå hindringa r. Sterke bakevjer finst gjerne. Symjing: Kan være litt krevjande, stort sett moro, og ein skader seg sjeldan. Vi hjelper deg til land eller opp i båten igjen.
   
   
4. Avansert
   Lange avanserte, intense stryk med kraftfulle og store bølgjer. Inneheld ofte hindringar som det er vanskeleg å unngå. Gjerne litt vanskeleg vegval og krev derfor ein dyktig guide og ein del innsats frå manns kapet. Å symje her kan vere ei intens oppleving, med ein viss fare for skade. Vi køyrer alltid slike stryk med ekstra sikringsbåt, så du vil sjeldan måtte symje langt her.
   
   
5. Ekspert
   Berre for ekspertar i svært god form. Lange stryk med mange og store hindringar som kan være svært vanskelege å unngå. Det kan være lange, bratte stryk der det kan være høge fall, djupe kraftige valsar, små evjer som kan være vanskelege å nå. Mange av desse faktorane er ofte kombinert. Ein symjetur er som regel farleg her, og det kan sjølv for ekspertar vere vanskeleg å r edde seg i land utan hjelp. Eit slik stryk må vurderast frå land kvar gong før ein padlar igjennom det.
   
   
6. Ekstremt vanskeleg
   Sjølv dei beste ekspertane unngår så vanskelege stryk. Ein symjetur er livsfarleg og blir gjerne svært lang. Det skal i tillegg til topp kunnskapar og padleevne også flaks til for å klare slike stryk. Vi padlar ikkje grad 5 og 6 med gjester.